Þórhallur snéri á sinn gamla heimavöll í kvöld.
Þórhallur Dan Jóhannsson, þjálfari Gróttu, var mjög ánægður þegar hann spjallaði við fréttamann Fótbolta.net í kvöld. Hann var mjög kátur eftir að hafa stýrt sínu liði í 1-1 jafntefli gegn Haukum.
„Það er gaman að koma á gamla heimavöllinn og í lognið sem er alltaf á Ásvöllum, maður þurfti ekki einu sinni regnhlíf til þess að standa," sagði Þórhallur býsna léttur í skapi.
„Það er gaman að koma á gamla heimavöllinn og í lognið sem er alltaf á Ásvöllum, maður þurfti ekki einu sinni regnhlíf til þess að standa," sagði Þórhallur býsna léttur í skapi.
Lestu um leikinn: Haukar 1 - 1 Grótta
„Við sættum okkur við stigið, það var vel unnið að þessu, þetta er þriðji leikurinn á einni viku þannig að við erum sáttir."
Grótta spilaði bikarleik í miðri viku og það voru nokkrar þreyttar lappir á Gaman Ferða vellinum í kvöld.
„Það eru menn sem eru búnir að spila 300 mínútur með þessum leik. Við vorum ekki nógu góðir í fyrri hálfleik og þeir svöruðu hálfleiksræðunni nokkuð vel."
„Þeir voru orðnir mjög þreyttir og síðustu fimm mínúturnar snérust um að reyna að halda þetta út og hanga á stiginu."
Þórhallur var aðstoðarþjálfari Hauka síðustu tímabil og hafði áður þjálfað í yngri flokkum auk þess að spila sem leikmaður með liðinu. Hann segir að það hafi verið skrýtin tilfinning að snúa aftur á gamla heimavöll sinn í kvöld.
„Ég er búinn að vera hérna svo lengi á Ásvöllum, þannig að jú, það er frekar skrýtið að vera að spila á móti strákunum mínum í Haukum. Mér finnst ég eiga svolítið mikið í þeim."
Grótta, sem er nýliði í Inkasso-deildinni hefur byrjað tímabilið vel.
„Þetta er maraþon sem við erum í og við þurfum að taka hvert skref í því," sagði hann að lokum.
Viðtalið má sjá í heild sinni í spilaranum hér að ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
