lau 02. ágúst 2025 15:29
Brynjar Ingi Erluson
Lífvörður Messi settur í bann fyrir að ýta tveimur leikmönnum
Yassine Cheuko ásamt Lionel Messi
Yassine Cheuko ásamt Lionel Messi
Mynd: EPA
Yassine Cheuko, lífvörður argentínska fótboltamannsins Lionel Messi, má ekki mæta á fleiri leiki með Inter Miami í deildabikarnum í Norður-Ameríku eftir atvik sem átti sér stað í vikunni.

Cheuko hefur vakið mikla athygli í Bandaríkjunum en hann hefur fylgt Messi hvert fótmál síðan sá argentínski samdi við Inter Miami fyrir tveimur árum.

Hann hefur haft nóg fyrir stafni og þurft að hlaupa inn á völlinn nokkrum sinnum til þess að vernda leikmanninn frá æstum stuðningsmönnum.

Lífvörðurinn braut hins vegar reglurnar á miðvikudag í leik Miami gegn mexíkóska liðinu Atlas. Leikmenn beggja liða tókust á eftir leikinn og ákva Cheuko að skerast inn í leikinn með því að nýta tveimur leikmönnum Atlas.

Hann hefur nú verið dæmdur í bann út mótið en það er ESPN sem greinir frá þessu. Nafn Cheuko er ekki tekið fram í úrskurði aganefndar en ESPN fullyrðir að Cheuko sé maðurinn sem um ræðir.


Athugasemdir
banner