Stefán Teitur Þórðarson.
Miðjumaðurinn Stefán Teitur Þórðarson, leikmaður ÍA og U21 landsliðsins, er að öllum líkindum á leiðinni í atvinnumennsku erlendis.
„Það eru miklar líkur á að Stefán Teitur semji við félag erlendis í þessum glugga. Hann er með það lúxus vandamál að velja á milli liða. Hann hefur skorað átta mörk af miðjunni í sumar og vakið athygli," sagði Ólafur Garðarsson, umboðsmaður Stefáns, í samtali við Fótbolta.net.
Stefán hefur verið orðaður við Íslandsmeistara KR en það stefnir í að hans næsta skref á ferlinum verði utan landsteinana.
Sparkspekingurinn Hjörvar Hafliðason segist hafa heimildir fyrir því að Stefán Teitur fari til Silkeborgar í Danmörku,
„Skagamenn hafa teiknað upp nýjar sviðsmyndir. Stefán Teitur og Tryggvi Haralds spila í útlöndum á næsta ári. Stefán í Danmörku með Silkeborg og Tryggvi í Noregi samkvæmt minnisblaði eftir virkt samtal við Akranes kaupstað," skrifaði Hjörvar á Twitter.
Silkeborg féll úr dönsku úrvalsdeildinni á síðasta tímabili og leikur í dönsku B-deildinni.
Athugasemdir
