Lamine Yamal og Ferran Torres skoruðu fyrstu tvö mörk leiksins með stuttu millibili áður en Rafa Mir minnkaði muninn skömmu fyrir leikhlé.

Börsungar voru talsvert sterkari aðilinn í fyrri hálfleik en seinni hálfleikurinn var jafnari, þar sem gestirnir frá Elche fengu bestu færin.

Rashford innsiglaði þó sigurinn með marki á 61. mínútu og tókst Elche ekki að minnka muninn, svo lokatölur urðu 3-1.

Barcelona er í öðru sæti eftir sigurinn, með 25 stig úr 11 leikjum. Spánarmeistararnir eru fimm stigum á eftir toppliði Real Madrid. Elche er um miðja deild, með 14 stig.

Celta Vigo og Alavés unnu þá leiki sína fyrr í dag gegn Levante og Espanyol.

Celta Vigo rétt marði Levante þrátt fyrir að vera manni fleiri stærsta hluta leiksins. Tíu leikmenn Levante klúðruðu vítaspyrnu en staðan var jöfn, 1-1, allt þar til í uppbótartíma venjulegs leiktíma, þegar Miguel Román gerði dramatískt sigurmark gestanna frá Vigo eftir að hafa komið inn af bekknum.

Celta fer upp í 13 stig með þessum sigri en Levante situr eftir í fallbaráttu með 9 stig.

Alavés rétt marði Espanyol í jöfnum leik, en Espanyol er í fimmta sæti deildarinnar þrátt fyrir tapið. Spútnik liðið er með 18 stig, þremur meira en Alavés.

Barcelona 3 - 1 Elche
1-0 Lamine Yamal ('9 )
2-0 Ferran Torres ('11 )
2-1 Rafa Mir ('42 )
3-1 Marcus Rashford ('61 )

Levante 1 - 2 Celta
0-0 Karl Etta Eyong ('37 , Misnotað víti)
0-1 Oscar Mingueza ('40 )
1-1 Kervin Arriaga ('66 )
1-2 Miguel Roman ('91 )
Rautt spjald: Unai Vencedor, Levante ('29)

Alaves 2 - 1 Espanyol
1-0 Denis Suarez ('5 )
2-0 Lucas Boye ('40 )
2-1 Roberto Fernandez ('56 )
Rautt spjald: Lucas Boye, Alaves ('91)