Landsliðsmaðurinn Arnór Ingvi Traustason var með fyrirliðabandið í 2-0 tapi Norrköping gegn Sirius í sænsku úrvalsdeildinni í kvöld.
Arnór Ingvi hefur fengið að bera bandið nokkrum sinnum á þessu tímabili en hann er fyrirliði í fjarveru Christoffer Nyman.
Í kvöld byrjaði Arnór á miðsvæðinu en Ísak Andri Sigurgeirsson kom inn af bekknum þegar hálftími var eftir.
Norrköping er í 12. sæti með 27 stig þegar fimm umferðir eru eftir af deildinni og aðeins þremur stigum fyrir ofan fallsæti.
Athugasemdir
