Kristian skoraði fyrir Ajax annan deildarleikinn í röð
Kristian í leiknum í dag.
Mynd: EPA
Kristian í leiknum í dag.
Mynd: EPA
Hinn magnaði Kristian Hlynsson heldur áfram að vera það jákvæðasta á erfiðu tímabili Ajax. Þessi nítján ára leikmaður sem lék í liðnum mánuði sinn fyrsta landsleik skoraði fyrra mark Ajax í 2-1 útisigri gegn NEC Nijmegen.
Hann skoraði þar með í öðrum deildarleiknum í röð en markið gerði hann af stuttu færi eftir undirbúning Brian Brobbey. Varamaðurinn Carlos Borges skoraði seinna markið á 88. mínútu en Elayis Tavsan minnkaði muninn fyrir heimamenn í uppbótartíma.
Kristian lék allan leikinn fyrir Ajax en liðið hefur verið að rétta úr kútnum og er komið upp í 8. sæti.
Willum Þór Willumsson lék allan leikinn fyrir Go Ahead Eagles sem tapaði 1-3 gegn Twente. Alfons Sampsted lék allan leikinn fyrir Twente og fagnaði sigri. Twente er í þriðja sæti en Go Ahead Eagles í því fimmta.
Hann skoraði þar með í öðrum deildarleiknum í röð en markið gerði hann af stuttu færi eftir undirbúning Brian Brobbey. Varamaðurinn Carlos Borges skoraði seinna markið á 88. mínútu en Elayis Tavsan minnkaði muninn fyrir heimamenn í uppbótartíma.
Kristian lék allan leikinn fyrir Ajax en liðið hefur verið að rétta úr kútnum og er komið upp í 8. sæti.
Willum Þór Willumsson lék allan leikinn fyrir Go Ahead Eagles sem tapaði 1-3 gegn Twente. Alfons Sampsted lék allan leikinn fyrir Twente og fagnaði sigri. Twente er í þriðja sæti en Go Ahead Eagles í því fimmta.
Goal! NEC Nijmegen 0-1 Ajax, Kristian Hlynssonpic.twitter.com/1gaMn5iOIb
— FootColic ?? (@FootColic) December 3, 2023
