Ungstirnið Kobbie Mainoo var besti leikmaður Manchester United í 1-0 tapinu gegn Newcastle í gær og má sjá að hann eigi eftir að verða að lykilmanni á næstu árum.
Mainoo er 18 ára gamall miðjumaður sem spilaði fyrstu leiki sína á síðasta tímabili.
Hann meiddist á undirbúningstímabilinu í sumar en sneri aftur í síðasta mánuði og hefur nú byrjað síðustu tvo deildarleiki Man Utd, gegn Everton og Newcastle.
Englendingurinn er að þéna um 10 þúsund pund á viku hjá United, en Daily Star heldur því fram að hann sé með klásúlu í samningnum sem tvöfaldar laun hans ef hann fær stærra hlutverk innan liðsins.
Það er óhætt að segja að hann verði í stóru hlutverki á næstunni og hækka því launin hans upp í 20 þúsund pund á viku.
Mainoo skrifaði undir nýjan samning við United í byrjun ársins en hann er bundinn félaginu til 2027.
Athugasemdir
