Nablinn spáir í 20. umferð ensku úrvalsdeildarinnar

Andri Már Eggertsson og Arnar Grétarsson.

Mynd: Fótbolti.net - Hafliði Breiðfjörð

Andri spáir Newcastle sigri í hádegisleiknum.

Mynd: Getty Images

Það birtir til í Manchester.

Mynd: Getty Images

Amad Diallo.

Mynd: Getty Images

Andri Már Eggertsson og Arnar Grétarsson.

Mynd: Fótbolti.net - Hafliði Breiðfjörð

Jóhann Páll Ástvaldsson, íþróttafréttamaður á RÚV, gerði sér lítið fyrir og var með sjö rétta þegar hann spáði í síðustu umferð ensku úrvalsdeildarinnar.

Það styttist í að 20. umferð deildarinnar verði flautuð á en viðtalskóngurinn Andri Már Eggertsson, einnig þekktur sem Nablinn, tók að sér það verkefni að spá í leikina sem eru framundan.

Tottenham 2 - 3 Newcastle (12:30 á laugardag)
Newcastle er eitt heitasta lið deildarinnar um þessar mundir og það verður engin breyting þar á. Vinna 2-3 sigur í skemmtilegum leik.

Bournemouth 2 - 0 Everton (15:00 á laugardag)
Heimamenn taka þennan leik 2-0 og Kluivert gerir bæði mörkin.

Aston Villa 2 - 0 Leicester (15:00 á laugardag)
Emiliano Martinez mætir með dauðalásinn og lokar búrinu. Heimamenn vinna 2-0 sigur.

Crystal Palace 1 - 3 Chelsea (15:00 á laugardag)
Sæbjörn Sævar Jóhannsson og aðrir krefjandi stuðningsmenn Chelsea hafa látið lítið fyrir sér fara síðustu daga. Með miklum trega sé ég fyrir mér 1-3 Chelsea sigur.

Man City 3 - 0 West Ham (15:00 á laugardag)
Það birtir til í Manchester borg og þetta verður sannfærandi 3-0 sigur.

Southampton 2 - 2 Brentford (15:00 á laugardag)
Eina leiðin til að fylgjast með þessum leik er í gegnum Doc Zone. Ekki lifandi maður sem myndi nenna því öðruvísi. Þetta endar 2-2.

Brighton 1 - 2 Arsenal (17:30 á laugardag)
Þetta endar í 1-2 útisigri. Gestirnir gera sigurmarkið úr hornspyrnu, það er 100 prósent.

Fulham 3 - 1 Ipswich (14:00 á sunnudag)
Alvöru Super Sunday sem byrjar á þessari veislu. Gestirnir munu lenda í miklum vandræðum með Iwobi og Andreas Pereira.

Liverpool 1 - 2 Man Utd (16:30 á sunnudag)
Með hverju tapinu styttist í sigurinn. Það veitir mér von að vita af Sævari Sævarssyni, metsölurithöfundi, á vellinum og hann mun smita frá sér jákvæða orku í United liðið. Salah kemur Liverpool yfir og þegar öll von virðist úti skora Höjlund og Amad Diallo og United vinnur 1-2 sigur.

Wolves 0 - 2 Nottingham Forest (20:00 á mánudag)
Auðveldasti leikurinn í umferðinni til að giska á. Svíinn knái, Anthony Elanga, gerir bæði mörkin.

Fyrri spámenn:
Júlíus Mar (7 réttir)
Jói Ástvalds (7 réttir)
Danijel Djuric (6 réttir)
Hinrik Harðarson (6 réttir)
Arnór Smárason (5 réttir)
Hákon Arnar (5 réttir)
Ingimar Helgi (5 réttir)
Tómas Þór Þórðarson (5 réttir)
Davíð Atla (4 réttir)
Hjammi (4 réttir)
Viktor Karl (4 réttir)
Jón Kári (4 réttir)
Elín Jóna (3 réttir)
Benoný Breki Andrésson (3 réttir)
Gísli Gottskálk Þórðarson (3 réttir)
Atli Þór (2 réttir)
Stubbur (2 réttir)
Benedikt Warén (2 réttir)

Andri spáir Newcastle sigri í hádegisleiknum.

Mynd: Getty Images

Það birtir til í Manchester.

Mynd: Getty Images

Amad Diallo.

Mynd: Getty Images

Stöðutafla

#	Lið	L	mun	Stig
1	Arsenal	0	0	0
2	Aston Villa	0	0	0
3	Bournemouth	0	0	0
4	Brentford	0	0	0
5	Brighton	0	0	0
6	Chelsea	0	0	0
7	Coventry	0	0	0
8	Crystal Palace	0	0	0
9	Everton	0	0	0
10	Fulham	0	0	0
11	Hull City	0	0	0
12	Ipswich Town	0	0	0
13	Leeds	0	0	0
14	Liverpool	0	0	0
15	Manchester City	0	0	0
16	Manchester Utd	0	0	0
17	Newcastle	0	0	0
18	Nott. Forest	0	0	0
18	West Ham	38	-19	39
19	Burnley	38	-37	22
19	Sunderland	0	0	0
20	Wolves	38	-41	20
20	Tottenham	0	0	0