Þorvaldur Örlyggson þjálfari Stjörnunnar
„Við áttum góðan leik, gott ná í þrjú stig og halda hreinu. Við skoruðum fjögur mörk í kvöld og við getum ekki annað en verið ánægðir með það."
Lestu um leikinn: Stjarnan 4 - 0 ÍA
Hvernig lagði Þorvaldur Örlygsson leikinn upp í kvöld?
„Fyrst og fremst að koma okkur úr startholunum og reyna að mæta þeim eins ofarlega og hægt er. Skagaliðið er kraftmikið lið og mæta liðum fast og ákveðið og hlaupa mikið. Það er oft erfitt að mæta þeim hvað það varðar fyrstu 10-15 mínúturnar. Við náðum að „matcha" þá og vorum betri."
Stjörnumenn komu vel til baka eftir tapið í síðustu umferð gegn Víkingum.
„Já gott svar. Það er búið að vera svona þungt að undanförnu. Það er sárt fyrir menn að tapa leikjum, þegar menn eru vanir að vinna marga leiki þá tekur það í. Það er lítið annað hægt að gera en að halda áfram og mæta á æfingu og leggja sig fram."
Eggert Aron Guðmundsson spilaði sinn fyrsta byrjunarliðsleik fyrir Stjörnuna í kvöld og var frábær en hann skoraði fyrsta mark Stjörnumanna og lagði upp eitt.
„Eggert er búin að standa sig mjög vel í sumar og þetta var góður leikur hjá honum líka í dag, góð reynsla fer hann og reynsla sem fer í reynslubankann hans og það sakar ekki að skora líka. Hann er mjög góður á boltann og hjálpar okkur mikið."
Viðtalið í heild sinni má sjá í sjónvarpinu hér að ofan.
