Chen Yansheng í stúkunni.
Espanyol á yfir höfði sér sekt eftir hróp stuðningsmanna liðsins sem beindust að eigenda félagsins, Chen Yansheng.
„Kínverji, komdu þér burt!" hrópuðu stuðningsmenn og hefur það verið túlkað sem kynþáttafordómar af aganefnd spænska fótboltasambandsins.
„Kínverji, komdu þér burt!" hrópuðu stuðningsmenn og hefur það verið túlkað sem kynþáttafordómar af aganefnd spænska fótboltasambandsins.
Það býr til þá skringilegu stöðu að Espanyol fær sekt fyrir hegðun stuðningsmannana og Yansheng þarf því sjálfur að borga sektina fyrir að verða fyrir kynþáttafordómum.
Yansheng var mótmælt í leik gegn Celta Vigo um síðustu helgi en hann hefur átt Espanyol í áratug. Nýlega söfnuðust stuðningsmenn fyrir utan kínverska sendiráðið í Barcelona til að mótmæla eigandanum.
Espanyol er í 18. sæti af 20 liðum spænsku deildarinnar, situr í fallsæti.
Eigandanum mótmælt.
Athugasemdir
