Fótbolti.net

Gísli Eyjólfs: Við þurfum að fara vakna

Frábær frammistaða Keflvíkinga - „Hann er gríðarlega mikilvægur fyrir okkur"

Heimir óánægður með viðbrögð síns liðs: Fannst við aldrei reyna

Davíð Smári: Einhver tappi losnaði

Lárus Orri: Ekki eitthvað eitt sem hægt er að horfa í hvað það varðar

Hemmi svekktur: Stóru ákvarðanirnar allar á móti okkur í dag

Jói Kalli: Hörkugæði og hraði í þessum strák

Jakob Byström í viðtali á íslensku: Súper glaður

Brynjar Björn: Við verðum að nýta færin sem við fáum

Óli Skúla hundóánægður: Spiluðum þetta upp í hendurnar á þeim

Rúnar Kristins: Sjaldan fagnað eins mikið og núna

Langbesta frammistaða Mosfellinga - „Ungur og efnilegur leikmaður sem á framtíðina fyrir sér”

Gils Gíslason: Við erum miklu betri en þessi tvö stig

Amin: Hélt að ég yrði alltaf í byrjunarliðinu og þyrfti ekki að verjast

Jökull segist ekki finna fyrir pressu - „Svekktur fyrir hönd liðsins“

Óskar Hrafn: Það er svo dásamlegt við Jökul

Siggi Höskulds eftir stórt tap: Þeir voru sterkari, fljótari og betri í fótbolta

Sölvi eftir 6-0 sýningu: Alltof góðir leikmenn á bekknum

Óskar Bogga: Þetta er bara statement inn í deildina

Horfðu á Besta spjallið - Helstu sögulínur teknar fyrir

fim 05. júlí 2018 13:52

Elvar Geir Magnússon

Gústi Gylfa: Blikar vilja vinna titla

Ágúst Gylfason.

Mynd: Fótbolti.net - Hafliði Breiðfjörð

Ágúst Gylfason, þjálfari Breiðabliks, býst við erfiðum leik á laugardaginn þegar leikið verður gegn ÍBV í Vestmannaeyjum. Eyjamenn unnu flottan 3-0 sigur gegn Grindavík í síðasta leik.

Breiðablik vann 4-1 þegar liðið mætti ÍBV í fyrstu umferð deildarinnar en Ágúst býst við erfiðari leik núna.

„Þeir hafa sýnt að þeir hafa mjög gott skyndisóknarlið og refsa vel. Þeir gerðu það gegn Grindavík í síðasta leik. Eyjamenn líta vel út og verða bara betri eftir því sem líður á sumarið. Við verðum að vera tilbúnir í alla staði," segir Ágúst.

Elfar Freyr Helgason hefur ekki spilað síðustu leiki vegna meiðsla en hans bataferli miðar vel.

„Það styttist í hann. Hann er búinn að vera frá í fjórar vikur, það eru kannski tvær vikur eftir. Hann er byrjaður að æfa aðeins og ætti að vera klár um miðjan mánuðinn eða seint í honum."

„Við erum enn í baráttunni á öllum vígstöðum. Við erum í þriðja sæti í deildinni og komnir í undanúrslit í bikarnum. Við viljum gera enn betur og við viljum vinna titla. Þá er gott að vera ekki langt frá öllu."

Dregið var í undanúrslit Mjólkurbikarsins í dag en þar mun Breiðablik leika gegn Víkingi R. eða Víkingi Ó. í ágúst.

„Þetta verður erfiður leikur. Við verðum að vera vel gíraðir í þetta," segir Ágúst en viðtalið má sjá í heild í sjónvarpinu hér að ofan.

Leikir 12. umferðar Pepsi-deildarinnar:

fimmtudagur 5. júlí
18:30 KA-Fjölnir (Akureyrarvöllur)
19:15 KR-Valur (Alvogenvöllurinn)

laugardagur 7. júlí
12:15 FH-Grindavík (Kaplakrikavöllur)
16:00 ÍBV-Breiðablik (Hásteinsvöllur)
16:00 Keflavík-Stjarnan (Nettóvöllurinn)

mánudagur 9. júlí
19:15 Fylkir-Víkingur R. (Egilshöll)