Rétt í þessu var dregið hvaða liði sigurvegarinn úr einvígi Víkings Reykjavík og FC Flora Tallinn mætir í næstu umferð í umspili Sambandsdeildarinnar.
Lestu um leikinn: FH 2 - 3 Víkingur R.
Sigurvegarinn úr einvíginu mætir annaðhvort UE Santa Coloma frá Andorra eða DK RFS frá Lettlandi. Tapliðið úr því einvígi mætir Víkingum eða FC Flora Tallinn.
En þar sem þetta einvígi, milli Santa Coloma og DK RFS, er í umspili Evrópudeildarinnar en ekki Sambandsdeildarinnar fá Víkingar tapliðið í næstu umferð en ekki sigurvegarana skyldu Víkingar vinna eistana.
Víkingar mæta FH-ingum í Kaplakrikanum í kvöld en fyrsti leikur þeirra gegn FC Flora Tallinn er á fimmtudaginn í Víkinni. Viku seinna fara þeir til Eistlands.
Víkingar slógu Egnatia úr leik í umspili Sambandsdeildarinnar í seinustu viku. Eftir að hafa tapað heimaleiknum 1-0 sýndu þeir þroskaða frammistöðu í útileiknum og unnu 2-0 sigur.
