05.10.20 - 06:00
Ívan Guðjón Baldursson
Juventus er að fá Chiesa - Douglas Costa aftur til Bayern
Federico Chiesa mun berjast við Dejan Kulusevski og nafna sinn Federico Bernardeschi um byrjunarliðssæti.
Mynd: Getty Images
Federico Chiesa mun berjast við Dejan Kulusevski og nafna sinn Federico Bernardeschi um byrjunarliðssæti.
Mynd: Getty Images
Fabrizio Romano greindi frá stórum fréttum í gærkvöldi þegar hann sagði að Juventus væri að krækja í Federico Chiesa frá Fiorentina. Þeir fjólubláu ætla að fá Jose Callejon á frjálsri sölu til að fylla í skarðið.
Chiesa er ítalskur landsliðsmaður sem hefur gert 34 mörk í 152 leikjum á fjórum árum hjá Fiorentina. Hann verður 23 ára síðar í október og er hægri kantmaður að upplagi en getur einnig leikið á vinstri kanti eða sem fremsti sóknarmaður.
Chiesa á 19 landsleiki að baki fyrir Ítalíu og kemur á tveggja ára lánssamningi til Juventus. Juve greiðir 2 milljónir fyrir fyrsta árið, 8 milljónir fyrir annað árið og er svo með kaupskyldu uppá 40 milljónir til viðbótar ef ákveðnum skilyrðum er mætt. Í heildina mun Juve því greiða 50 milljónir fyrir Chiesa.
Chiesa tekur stöðu Douglas Costa í liði Juventus en Brasilíumaðurinn er á leið aftur til Evrópumeistara FC Bayern.
Juve keypti Costa frá Bayern fyrir tveimur árum fyrir 40 milljónir evra. Hann fer til Bayern á eins árs lánssamning. Bæjarar greiða ekkert fyrir samninginn en borga full laun. Kantmaðurinn er með samning við Juve til 2022.
Chiesa á 19 landsleiki að baki fyrir Ítalíu og kemur á tveggja ára lánssamningi til Juventus. Juve greiðir 2 milljónir fyrir fyrsta árið, 8 milljónir fyrir annað árið og er svo með kaupskyldu uppá 40 milljónir til viðbótar ef ákveðnum skilyrðum er mætt. Í heildina mun Juve því greiða 50 milljónir fyrir Chiesa.
Chiesa tekur stöðu Douglas Costa í liði Juventus en Brasilíumaðurinn er á leið aftur til Evrópumeistara FC Bayern.
Juve keypti Costa frá Bayern fyrir tveimur árum fyrir 40 milljónir evra. Hann fer til Bayern á eins árs lánssamning. Bæjarar greiða ekkert fyrir samninginn en borga full laun. Kantmaðurinn er með samning við Juve til 2022.
