Rafinha kemur frá Barca en samningur hans við félagið hefði runnið út á næsta ári og því borgar PSG ekkert kaupverð. Börsungar vildu þó ekki hleypa Rafinha alveg frítt frá sér og munu þeir fá 35% af næstu sölu leikmannsins auk þriggja milljóna evra í árangurstengdar greiðslur.

Rafinha er 27 ára og á 90 leiki að baki fyrir Barcelona. Hann skoraði 4 mörk í 30 leikjum að láni hjá Celta Vigo á síðustu leiktíð.

Nú er hann orðinn einn af mörgum miðjumönnum PSG og þarf að hafa betur gegn mönnum á borð við Leandro Paredes og Marco Verratti til að vinna sér inn sæti í byrjunarliðinu.