Kaj Leo í Bartalsstovu
Kaj Leo var að vonum svekktur með eitt stig eftir 1-1 jafntefli gegn Fjölni í Vestmannaeyjum í dag.
Lestu um leikinn: ÍBV 1 - 1 Fjölnir
„Vindurinn hafði mikil áhrif á leikinn í dag. Það er svekkjandi að fá bara eitt stig út úr leiknum, en þar sem við lentum undir var það allt í lagi. Við vonuðumst eftir því að fá öll þrjú stigin hér í dag, og áttum að gera það en á endanum er gott að fá fyrsta stig sumarsins,'' sagði Kaj Leo strax eftir leik.
„Já mér finnst það. Við áttum góð færi og settum mikla pressu á þá, en auðvitað setjum við mikla pressu þegar vindurinn er svona mikill í bakið á okkur. Við náðum ekki alveg að nýta okkur það, en á endanum skoruðum við mark og það er betra en ekkert,'' sagði Kaj Leo aðspurður út í veðurfarið og hvernig leikurinn spilaðist.
„Já, klárlega. Ég reyndi að koma meira inn á miðjuna í lok leiks til þess að ná skoti á markið. En við náðum ekki að koma boltanum úr hægra horninu þegar vindurinn var svona mikill. En þegar vindurinn er svona mikill í bakið, þá verður þú að skjóta þegar þú getur,'' sagði Kaj Leo aðspurður um hvort hann væri svekktur um að hafa ekki átt fleiri skot að marki.
Athugasemdir
