Stewart Donald eigandi Sunderland er að reyna að selja félagið. Óánægja stuðningsmanna hefur farið vaxandi og kallað hefur verið eftir því að eigendaskipti eigi sér stað.

Þetta stóra félag hefur verið í miklum vandræðum síðustu ár en liðið er nú í 9. sæti C-deildarinnar, stigi frá umspilssæti.

Stuðningsmenn Sunderland hafa verið í herferð á samfélagsmiðlum og félagið hefur nú tilkynnt að Donald ætli að verða að ósk þeirra og stefni á að selja félagið.

Í raun hefur Donald verið að leita eftir mögulegum kaupanda síðustu mánuði og hefur verið nálægt því að selja félagið oftar en einu sinni.

Það sem flækir málin er 9 milljóna punda lán sem Sunderland fékk frá bandarískum fjárfestum. Ef lánið verður ekki greitt til baka gæti Sunderland sjálfkrafa farið í hendur Bandaríkjamannana á næsta tímabili.

Sú ákvörðun Donald að ráða Phil Parkinson sem knattspyrnustjóra féll í grýttan jarðveg hjá stuðningsmönnum. Donald hefur kallað eftir samstöðu og stuðningi.

„Við erum að leggja fjármagn í að styðja við stjórann og stefnan er sett á að styrkja liðið á næstu vikum. Ég vil biðja stuðningsmenn um að sameinast í stuðningi við leikmenn og þjálfarateymi," segir Donald.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit