Roma tapaði gegn Betis í Evrópudeildinni í gær. Ítalska liðinu hefur ekki gengið vel í keppninni til þessa.
Liðið er aðeins með þrjú stig eftir fyrstu þrjár umferðirnar en Betis er á toppnum með níu stig og Ludogorets í 2. sæti með fjögur stig.
Jose Mourinho stjóri Roma var svekktur með úrslitin í gær.
„Þetta er sárt því þrátt fyrir að við spiluðum ekki frábærlega átti liðið ekki skilið að tapa," sagði Mourinho.
„Á þessu augnabliki er ekki markmiðið að enda á toppnum, Betis er með níu stig og þeir fá HJK í heimsókn í næstu umferð. Svo markmiðið núna er að enda í 2. sæti jafn vel þó það sé hætta á að mæta liði sem dettur úr leik í Meistaradeildinni. Ég vil það frekar en að enda í þriðja og fara í Sambandsdeildina," sagði Mourinho.
Athugasemdir
