Ítalía: Abraham tryggði Roma stig í dramatísku jafntefli
Mynd: EPA
Mynd: EPA
Það var dramatík í stórleik AC Milan og Roma í kvöld þegar liðin gerðu jafntefli.
Milan var marki yfir í hálfleik eftir skallamark Pierre Kalulu og Tommaso Pobega virtist vera tryggja Milan sigurinn þegar hann skoraði seint í leiknum eftir vel útfærða skyndisókn.
Roma gafst hins vegar ekki upp og Roger Ibanez minnkaði muninn með sterkum skalla þegar þrjár mínútur voru eftir af venjulegum leiktíma og Tammy Abraham tryggði liðinu stig með marki í uppbótartíma.
Þetta byrjaði ekki vel fyrir topplið Napoli gegn Sampdoria en Matteo Politano misnotaði vítaspyrnu strax á fimmtu mínútu. Victor Oshimhen náði hins vegar forystunni fyrir Napoli stuttu síðar.
Róðurinn varð síðan enn erfiðari fyrir Sampdoria þegar Tomas Rincon lét reka sig af velli undir lok fyrri hálfleiks.
Einum fleiri tókst Napoli þó aðeins að skora eitt mark og 2-0 sigur því staðreynd. Napoli er á toppnum með sjö stiga forystu á Juventus og AC Milan. Roma er í 6. sæti sex stigum á eftir Juve og Milan.
Milan 2 - 2 Roma
1-0 Pierre Kalulu ('30 )
2-0 Tommaso Pobega ('77 )
2-1 Roger Ibanez ('87 )
Sampdoria 0 - 2 Napoli
0-0 Matteo Politano ('6 , Misnotað víti)
0-1 Victor Osimhen ('19 )
0-2 Eljif Elmas ('82 , víti)
Rautt spjald: Tomas Rincon, Sampdoria ('38)
