Ítalía í dag - Hart barist um Evrópusæti

Udinese og Bologna eigast við klukkan 13:00. Bæði lið eru með 39 stig, átta stigum frá fallsæti og liðin ekki í mikilli hættu við að blandast í fallbaráttupakkann.

Spezia spilar þá við Napoli á sama tíma. Spezia er þremur stigum frá fallsæti og því mikið í húfi en Napoli í 5. sæti og í baráttu um Meistaradeildarsæti. Liðið er tveimur stigum á eftir Atalanta, Milan og Juventus en sem stendur er Napoli í sæti sem tryggir Evrópudeildarsæti.

Inter spilar við Sampdoria á San Siro og þá mætast Fiorentina og Lazio í lokaleik dagsins. Lazio á enn veika von um að komast í Meistaradeildina en til þess að það gerist þá þarf liðið að öllum líkindum að vinna rest.

Leikir dagsins:
13:00 Udinese - Bologna
13:00 Spezia - Napoli
16:00 Inter - Sampdoria
18:45 Fiorentina - Lazio