„Mér fannst þetta vera gott stig eftir lélegan leik í leiknum á undan gegn Þrótti. Ég er ánægður með hugarfarið og viljann í liðinu sem hefur kannski vantað aðeins upp á síðkastið.“ sagði Árni Freyr Guðnason, þjálfari ÍR, eftir 2-2 jafntefli gegn ÍBV í dag.
Lestu um leikinn: ÍR 2 - 2 ÍBV
Bragi Karl jafnaði leikinn fyrir ÍR-inga með rosalegu marki. Skot fyrir utan teig í slána og inn.
„Mjög gott mark hjá Braga, sláin inn. Hann hefur kannski ekki alveg verið að hann eins og í fyrra en vonandi er það að koma núna hjá honum. Ég er ánægður með Braga.“
Eftir 5-0 tap gegn Þrótti í seinasta leik er Árni sáttur með svarið hjá sínum mönnum í dag.
„Ég er ánægður með svarið hjá mínum mönnum. Þ.e.a.s. í þessum grunnþáttum sem við tönglumst á. Sú vinna var ekki til staðar á móti Þrótti þótt ég held að við höfum spilað betri fótbolta á móti Þrótti í þeim skilningi. Við gerðum 6 breytingar á liðinu. Þeir sem komu inn í liðið gerðu mjög vel.“
Næsti leikur ÍR er gegn Njarðvík sem hafa byrjað deildina af krafti.
„Við förum til Njarðvíkur til að vinna þá. Þeir eru öflugir. Við höfum unnið gegn öllum þessum liðum og tapað gegn öllum þessum liðum. Það er bara full fókus og taka þrjú stig í þessum leikjum.“
Viðtalið við Árna Guðna má sjá í heild sinni í spilaranum hér að ofan.