Oliver stefnir á endurkomu gegn Stjörnunni

Oliver Heiðarsson, sóknarmaður ÍBV, hefur misst af síðustu átta leikjum vegna meiðsla á fæti sem hann varð fyrir snemma leiks gegn KA í maí.

Næsti leikur liðsins verður gegn Stjörnunni næsta mánudag og segir Oliver við Fótbolta.net að stefnan sé sett á mínútur í þeim leik.

Hann á nokkra mánuði eftir af samningi sínum og var spurður út í sína framtíð, hvort hann myndi klára tímabilið með ÍBV.

Fjallað var um áhuga erlendis frá um helgina, þar á meðal frá Hobro í dönsku B-deildinni, en félög í sænsku B-deildinni og króatísku úrvalsdeildinni hafa einnig áhuga, ásamt íslenskum félögum.