Þátttökugjald í vítaspyrnukeppninni er 1000 krónur en allur ágóði rennur í ferð fyrir Vildarbörn Icelandair. Vildabörn Icelandair eru sameiginlegt átak Icelandair og viðskiptavina til stuðnings veikum börnum og fjölskyldum þeirra.

Í fyrra söfnuðust yfir 400 þúsund krónur fyrir Vildarbörn og markið er sett ennþá hærra í ár.

Sigurvegarinn í keppninni fær gjafabréf frá Icelandair en um er að ræða flugmiða fyrir tvo til Evrópu.

Markverðir úr Pepsi-deildinni og 1. deildinni munu standa á milli stanganna líkt og í fyrra.

Keppt er þar til að einn sigurvegari stendur eftir og hann verður vítaskytta Íslands árið 2016!

Keppni hefst stundvíslega klukkan 14:00 en skráning verður á staðnum og hefst hún klukkan 13:30. Ekkert aldurstakmark er í keppninni sem er opin öllum.

Hægt verður að kaupa sig aftur inn í keppnina eftir nokkrar umferðir fyrir hærra verð ef þú dettur út. 3000 krónur kostar að koma inn í 3. umferð, 5000 í 5. umferð og 10 þúsund kostar að koma inn í 7. umferð. Sá peningur rennur einnig í ferðina fyrir Vildarbörn Icelandair.

Taktu þátt í skemmtilegri keppni og styrktu gott málefni um leið!

Keppt verður á fjögur mörk til að byrja með til að keppnin gangi hraðar. Þegar nær dregur úrslitum verður síðan keppt á eitt mark.

Smelltu hér til að sjá viðburðinn á Facebook

Sjá einnig:
Myndir: Arnar Steinn er vítaskytta Íslands (2014)
Umhyggja fékk 242 þúsund krónur eftir vítaspyrnukeppnina (2014)
Myndaveisla: Albert Guðmundsson varð vítaskytta Íslands (2015)
Vildarbörn fengu 406 þúsund eftir vítaspyrnukeppnina (2015)