Bayern bætti eigið met í gær

Bayern er í hörku riðli en í C-riðlinum mætir liðið Inter, Barcelona og Plzen.

Þeir þýsku lentu hins vegar ekki í vandræðum með Inter í gær og vann liðið flottan 2-0 útisigur með Leroy Sane fremstan í flokki.

Hann skoraði fyrsta markið og átti svo frábæran sprett í öðru markinu sem endaði með því að Danilo D'Ambrosio setti knöttinn í sitt eigið net.

Það sem er áhugavert við þennan sigur Bayern er það að þetta er nú í nítjánda skiptið í röð sem liðið vinnur sinn fyrsta leik í Meistaradeild Evrópu. Hvorki meira né minna.