Benoný Breki Andrésson, sóknarmaður KR.
Benoný Breki Andrésson, markakóngur Bestu deildarinnar, er eftirsóttur af félögum erlendis.
Benoný Breki er aðeins 19 ára gamall en hann stefnir á það að fara út í atvinnumennsku í vetur.
Benoný Breki er aðeins 19 ára gamall en hann stefnir á það að fara út í atvinnumennsku í vetur.
Hann hefur verið orðaður við Mainz í Þýskalandi og við félög í spænsku úrvalsdeildinni. Þá sagði Kristján Óli Sigurðsson frá því í Þungavigtinni í dag að það væri stórt félag á Englandi að fylgjast með honum.
„Benoný Breki er eftirsóttasta varan frá Íslandi, eðlilega. Níurnar eru ekkert á hverju strái," sagði Kristján Óli. „Sunderland er á eftir honum. Heerenveen, Utrecht og AZ eru það líka."
Sunderland er á toppnum í Championship-deildinni á Englandi og er stórt félag í enska boltanum.
Benoný var nálægt því að ganga í raðir sænska félagsins Gautaborgar fyrir tæpu ári síðan en á endanum varð ekkert úr því. Hann sló svo markametið í efstu deild síðastliðið sumar með því að skora 21 mark í 26 leikjum.
Föstudagsfjör í Vigtinni í dag.https://t.co/TgFkwrkD1p
— Kristján Óli Sigurðsson (@kristjanoli) November 8, 2024
Athugasemdir
