Birna Kristín skiptir alfarið í FH (Staðfest)

Birna Kristín var á láni hjá FH frá Breiðabliki á síðustu leiktíð þar sem hún kom við sögu í átta leikjum en FH var nýliði í deildinni og hafnaði í 6.sæti.

Hún er fædd árið 2004 og var í byrjunarliðinu í tveimur leikjum u19 ára landsliðsins á EM í sumar. Hún var í leikmannahópi u20 sem tapaði gegn Austurríki um sæti á HM á dögunum.

Birna er uppalin hjá Blikum en hún lék 16 leiki í Bestu deildinni með Aftureldingu sumarið 2022.