Sveindís er mætt til æfinga hjá Kristianstad.
Íslendingafélagið Kristianstad hefur hafið undirbúningstímabil fyrir nýtt tímabil sem hefst seinna á þessu ári.
Það er spennandi ár framundan hjá Kristianstad þar sem félagið mun taka þátt í Meistaradeildinni í fyrsta sinn eftir að hafa lent í þriðja sæti sænsku deildarinnar á síðasta tímabili.
Kristianstad birtir nokkrar myndir á Instagram síðu sinni og þar má meðal annars sjá nýjan leikmann liðsins, Sveindísi Jane Jónsdóttur sem er að fara að hefja sitt fyrsta ár í atvinnumennsku. Sveindís átti magnað ár með Breiðabliki í fyrra og gekk í raðir þýska stórliðsins Wolfsburg fyrir áramót. Hún er á láni hjá Kristianstad.
Elísabet Gunnarsdóttir er þjálfari Kristianstad og með liðinu leikur einnig miðvörðurinn reyndi Sif Atladóttir.
Hér að neðan má sjá myndirnar sem Kristianstad birti á Instagram síðu sinni.
Athugasemdir
