Hluti af kynningunni mun fara í það hvernig félagið gæti aflað meiri tekna. Mögulegir kaupendur hafa þegar fengið aðgang að upplýsingum um leikmanna- og styrktarsamninga.

Fulltrúar Ratcliffe munu mæta í enda næstu viku en ekki hefur verið staðfest hvort breski auðkýfingurinn muni sjálfur vera viðstaddur. Sjeik Jassim og hans menn munu einnig fá kynningu í næstu viku og þeir fjárfestar sem hafa sýnt áhuga á að koma inn.

Þegar kynningunum er lokið mun Raine Group, sem sér um söluna, líklega fara fram á endurskoðuð tilboð.

Upphaflega var markmiðið að vera búið að selja félagið í lok þessa mánaðar en mjög ólíklegt er að það náist. Það er enn óvissa um hvort Glazer fjölskyldan muni selja félagið á endanum en sagt er að innan hennar sé ekki allir aðilar sammála. Talað hefur verið um möguleika á því að fjárfestar komi inn í félagið en Glazer haldi áfram að eiga ráðandi hlut.