Tsimikas er 24 ára vinstri bakvörður og er hann ætlaður sem varaskeifa fyrir Andy Robertson. Talið er að hann muni gangast undir læknisskoðun fljótlega eftir helgi og í kjölfarið skrifa undir samning.

Liverpool náði ekki samkomulagi við Norwich um kaup á hinum 22 ára gamla Jamal Lewis og því hefur liðið ákveðið að fá Tsimikas til liðsins.

Kostas Tsimikas spilaði 46 leiki fyrir Olympiakos á þessari leiktíð og skoraði sjö mörk. Þá á hann 3 leiki að baki fyrir gríska landsliðið.

Koma Kostas Tsimikas mun þýða að tími hins 19 ára Yasser Larouci hjá Liverpool sé liðinn.