Lestu um leikinn: Leiknir R. 1 -  2 Keflavík

Hann er færeyskur landsliðsmaður sem kom til Keflavíkur frá norska félaginu Egersund sem spilar í þriðju efstu deild í Noregi. Hann á að baki sextán landsleiki og hefur í þeim skorað eitt mark.

Hann skoraði sitt áttunda deildarmark í sumar í gær þegar hann kom Keflavík yfir gegn Leikni í uppbótartíma fyrri hálfleiks. Hann skoraði það með skalla eftir fyrirgjöf frá Nacho Heras. Hann þurfti svo að fara af velli í upphafi seinni hálfleiks vegna meiðsla.

Átta mörk á einu tímabili er jöfnun á færeysku meti Una Jógvansonar Arge sem skoraði tímabilið 1999 átta mörk fyrir Leiftur í efstu deild.

„Við missum Patrik út af strax í byrjun seinni hálfleiks og það riðlast aðeins hjá okkur og Leiknismenn komast meira inn í leikinn. Hann er frábær leikmaður, ég held að hann sé búinn að jafna metið yfir flest mörk frá færeyskum leikmanni í efstu deild á Íslandi. Hann slær það vonandi í næsta leik á móti KR," sagði Sigurður Ragnar Eyjólfsson, þjálfari Keflavíkur, í viðtali eftir leik.

„Hann byrjaði að stífna upp í kálfanum, hann fann aðeins í fyrri hálfleiknum að hann var að stífna upp og svo þegar hann kemur út á völl eftir hlé þá sá maður að hann var aðeins að haltra þegar hann var að hlaupa. Svo komst hann í skyndisókn og var einn á móti einum og þá fór þetta í kálfanum. Við eigum eftir að sjá hversu alvarlegt það er. Vonandi nær hann sér fljótt," bætti Siggi Raggi við.

Tweet

Senda a Facebook Hafdu samband Senda frétt Prenta frétt Frétta leit