Björn Axel Guðjónsson (Víkingur Ó.)
Björn Axel skoraði þrennu.
Björn Axel Guðjónsson, sóknarmaður Víkings Ólafsvíkur, er leikmaður 1. umferðar í 2. deild karla í boði Unbroken.
Björn Axel gerði sér lítið fyrir og skoraði þrennu þegar Ólsarar unnu 3-1 sigur á Dalvík/Reyni í fyrstu umferðinni.
Björn Axel gerði sér lítið fyrir og skoraði þrennu þegar Ólsarar unnu 3-1 sigur á Dalvík/Reyni í fyrstu umferðinni.
„Ég spurði þig þegar við vorum að spá hvort liðið hans Björns Axels myndi enda svona neðarlega. Björn Axel svaraði þessu bara sjálfur," sagði Sverrir Mar Smárason í Ástríðunni.
„Hann sagði: 'Liðið mitt mun ekki enda svona neðarlega'," sagði Gylfi Tryggvason.
Víkingi Ólafsvík var spáð níunda sæti í spá þjálfara fyrir tímabil en liðið byrjar mjög vel. „Þetta virðist vera þannig að þeir séu að fá alla þessa menn inn á frábærum tíma. Þetta er búið að vera misjafn vetur og allt það. Þeir verða bara flottir," sagði Gylfi og bætti við:
„Þegar þú ert með Björn Axel inn á vellinum þá þarftu ekki að fá einhver 100 færi."
Hlustendur Ástríðunnar fá 15 prósent afslátt hjá Unbroken með kóðanum "ástríðan".
Hægt er að hlusta á Ástríðuna hér að neðan og í öllum hlaðvarpsveitum.
Sjá einnig:
Hin hliðin - Björn Axel Guðjónsson (Víkingur Ó.)
Athugasemdir
