Katrín hefur verið frábær í sumar.
Natasha hefur leikið mjög vel á tímabilinu.
Murphy Agnew.
Það er Steypustöðin sem færir þér úrvalslið hverrar umferðar í Bestu deild kvenna. Núna er komið að úrvalsliði áttundu umferðar.
Aðra umferðina í röð er Kristján Guðmundsson þjálfari umferðarinnar eftir að hafa stýrt Stjörnunni í stórsigri gegn Þór/KA, 5-0. Stjarnan er í öðru sæti deildarinnar og er eiga mjög flott mót hingað til.
Katrín Ásbjörnsdóttir, sóknarmaður Stjörnunnar, er sú fyrsta sem er í úrvalsliðinu í fjórða sinn í sumar. Betsy Hassett og Arna Dís Arnþórsdóttir, liðsfélagar hennar í Stjörnunni, eru líka í liðinu að þessu sinni.
Þá eiga Breiðablik, Þróttur og Valur öll tvö fulltrúa í liði áttundu umferðar.
Natasha Moraa Anasi er í þriðja sinn í liðinu og Áslaug Munda Gunnlaugsdóttir er öðru sinni. Þær voru bestar á vellinum í sigri Breiðablik gegn Selfossi. Tiffany Sornpao, markvörður Selfoss, er einnig í liðinu en hún kom í veg fyrir að mörk Blika yrðu fleiri.
Ásdís Karen Halldórsdóttir og Ída Marín Hermannsdóttir voru mjög góðar í stórsigri Vals gegn Aftureldingu og þá voru Katla Tryggvadóttir og Murphy Agnew bestar í sigri Þróttar gegn KR.
Að lokum kemst Olga Sevcova í úrvalsliðið í annað sinn í sumar eftir sína geggjuðu frammistöðu í sigri ÍBV gegn Keflavík.
Sjá einnig:
Sterkasta lið 1. umferðar
Sterkasta lið 2. umferðar
Sterkasta lið 3. umferðar
Sterkasta lið 4. umferðar
Sterkasta lið 5. umferðar
Sterkasta lið 6. umferðar
Sterkasta lið 7. umferðar
Athugasemdir
