Ævar Ingi Jóhannesson hefur lítið getað komið við sögu í sumar vegna erfiðra meiðsla en hann skoraði flautumark og jafnaði fyrir Stjörnuna gegn Víkingi í kvöld. Þetta var fyrsta mark hans í sumar.
Lestu um leikinn: Víkingur R. 2 - 2 Stjarnan
„Það var gott fyrir mig að skora en við þurftum fleiri stig. Þetta sumar hefur tekið á fyrir mig. Þetta er erfiðasta sumar hjá mér í meistaraflokki og það er búið að reyna mikið á andlega. Það var gott að koma inn marki núna en það er því miður lítið eftir af þessu móti," segir Ævar sem ræðir meiðslin nánar í sjónvarpinu hér að ofan.
Má ekki segja að veikar titilvonir Stjörnunnar séu á enda fyrst liðið vann ekki í kvöld?
„Við hættum ekki fyrr en þetta er tölfræðilega ómögulegt. Sjáum hvernig leikurinn á eftir (Valur - Breiðablik) fer en við ætlum að reyna að enda eins ofarlega og við getum."
Sjáðu viðtalið í sjónvarpinu hér að ofan.
Athugasemdir
