Lestu um leikinn: Valur 5 -  0 Selfoss

Valsstelpurnar byrjuðu leikinn vel og kláruðu leikinn í fyrri hálfleik en staðan var orðin 5-0 þegar flautað var til hálfleiks. Fleirri urðu mörkin ekki og þar við sat.

„Er svona hálf sjokkeraður yfir fyrri hálfleik en fyrstu viðbrögð eru bara þannig að við töpuðum fyrir betra liðinu hér í dag og Valur bara vel af þessu komið og til hamingju Valsarar. Sagði Alfreð Elías Jóhannsson þjálfari Selfoss eftir leik.

Valsstelpur komust eins og áður kom fram 5-0 yfir í fyrri hálfleik og lét Alfreð Elías sínar stelpur heyra hvað honum fannst um það.
„Ég sagði bara mína skoðun á því. Við þurftum að fara standa saman og ekki vera 11 einstaklingar inni á vellinum og reyna vera eins og lið sem er búið að vera okkar merki.

Alfreð Elías hefur staðfest að hann muni ekki halda áfram með Selfoss eftir tímabilið en sögusagnir hafa flogið um áhuga karlaliðs Grindavíkur.
„Þetta er minn heimabær þannig mig hefur alltaf liðið vel í Grindavík en það er ekkert í gangi eins og er."