Einum leik er lokið í fjórðu umferð ensku ofurdeildarinnar, efstu deildar á Englandi kvennamegin.

Leikið var á The Hive leikvanginum í London, heimavelli Tottenham. Heimakonur tóku á móti Manchester United og voru það gestirnir sem unnu 0-1 sigur.

Eina mark leiksins skoraði Millie Turner á 67. mínútu. Hún skallaði hornspyrnu Tobin Heath í netið.

Fjórða umferðin klárast með fjórum leikjum á morgun.