Andre Onana, markvörður Ajax, er ekki með kórónuveiruna. Hann segir frá þessu á Instagram.
Fjölmiðlar í Kamerún höfðu sagt frá því að Onana hefði greinst með kórónuveiruna, en hann fór í annað próf og seinna prófið sem hann tók var neikvætt.
Onana missir því ekki af næstu leikjum Ajax.
Ajax mætir Heerenveen í hollensku úrvalsdeildinni næstu helgi og á síðan leik við Liverpool á heimavelli í Meistaradeildinni á miðvikudeginum þar á eftir.
Onana er gríðarlega mikilvægur fyrir Ajax. Varamarkverðir liðsins eru hinn tvítugi Kjell Scherpen og hinn 38 ára gamli Maarten Steklenburg.
Athugasemdir
