Guðlaugur Victor heldur aftur til síns félagsliðs

„Hann hefur þegar yfirgefið hópinn og haldið til síns félagsliðs," segir í tilkynningu frá KSÍ sem var birt rétt áðan.

Það er ekki gefin út ástæða af hverju hann yfirgefur hópinn. Arnar Þór Viðarsson, landsliðsþjálfari, verður væntanlega spurður út í það á fréttamannafundi á eftir.

Guðlaugur Victor, sem spilar með Schalke í Þýskalandi, hefur byrjað á miðjunni í undanförnum leikjum en frammistaða hans hefur ekki verið upp á marga fiska.

Hópurinn er orðinn frekar þunnur fyrir leikinn. Þrír leikmenn verða í banni í leiknum.