Inter 1 - 1 Atalanta
1-0 Lautaro Martinez ('4 )
1-1 Robin Gosens ('75 )
1-1 Luis Muriel ('88 , Misnotað víti)
1-0 Lautaro Martinez ('4 )
1-1 Robin Gosens ('75 )
1-1 Luis Muriel ('88 , Misnotað víti)
Inter og Atalanta gerðu 1-1 jafntefli í Seríu A á Ítalíu í kvöld en gestirnir áttu möguleika á því að vinna leikinn í blálokin.
Argentínski framherjinn Lautaro Martinez hefur verið iðinn við kolann á tímabilinu og hélt uppteknum hætti með því að skora á 14. mínútu. Romelu Lukaku lagði upp markið en þeir tveir hafa náð afar vel saman á leiktíðinni.
Martinez var nálægt því að bæta við öðru marki stuttu síðar en hann vippaði þá yfir markvörð Atalanta en Jose Luis Palomino hreinsaði á línu.
Robin Gosens jafnaði metin fyrir Atalanta á 75. mínútu og þá fékk Atalanta tækifæri til að vinna leikinn er Alessandro Bastoni braut af sér innan teigs. Luis Muriel steig á punktinn en Samir Handanovic sá við honum.
Lokatölur 1-1. Inter fer tímabundið á toppinn með 46 stig en Atalanta er í fjórða sætinu með 35 stig.
Athugasemdir