Lautaro Martínez.
Lautaro Martínez verður áfram með nýkrýndum Ítalíumeisturum Inter á næsta tímabili. Hann segir að umboðsmenn sínir séu að vinna að nýjum samningi við Inter.
Argentínski framherjinn segir að hann muni ekki fara neitt, sama þó þjálfarinn Antonio Conte muni mögulega fara annað.
Argentínski framherjinn segir að hann muni ekki fara neitt, sama þó þjálfarinn Antonio Conte muni mögulega fara annað.
„Mér líkar vel við Conte en þó hann fari þá er ég leikmaður Inter og mun halda áfram að vinna fyrir Inter," segir Lautaro. Hann og Romelu Lukaku hafa verið að ná feikilega vel saman.
Lautaro viðurkennir að hann hafi verið nálægt því að ganga í raðir Barcelona á síðasta tímabili.
„Það var möguleiki en við kláruðum tímabilið seint, það voru Covid vandræði og ég ákvað að vera áfram. Það reyndist rétt ákvörðun."
Lautaro hefur einnig verið orðaður við Real Madrid.
„Trúið mér, ég veit ekkert um það. Ég sá þessar sögusagnir en veit ekkert meira. Ég er að njóta þess að spila fyrir Inter og er ekki að hugsa um neitt annað. Umboðsmenn mínir eru að ræða við Inter og ég er viss um að samkomulag náist. Ég er rólegur og tek einn dag í einu. Ég er ánægður með að vera hér, vera hluti af þessu verkefni," segir Lautaro.
Athugasemdir
