Englandsmeistarar Liverpool taka á móti nýliðum Leeds United og þurfa heimamenn á sigri að halda í toppbaráttunni. Liverpool er með 32 stig eftir 18 umferðir, heilum þrettán stigum á eftir toppliði Arsenal. Nýliðar Leeds eru sex stigum fyrir ofan fallsvæðið.

Á sama tíma taka bikarmeistarar Crystal Palace á móti Fulham í Lundúnaslag, en liðin eru jöfn um miðja deild sem stendur með 26 stig eftir 18 umferðir - aðeins sex stigum frá meistaradeildarsæti. Palace er búið að tapa þremur deildarleikjum í röð á meðan Fulham er með þrjá sigra í röð.

Í kvöld mætir titilbaráttulið Manchester City til leiks á útivelli gegn spútnik liði Sunderland. Man City þarf sigur til að stytta bilið á milli sín og toppliðs Arsenal aftur niður í tvö stig. Sunderland er óvænt í Evrópubaráttu með 28 stig.

Að lokum eigast Brentford og Tottenham við í öðrum Lundúnaslag. Eitt stigur skilur liðin að um miðja deild þar sem þau eru aðeins einum sigri frá því að blanda sér í Evrópubaráttuna í ótrúlega þéttum pakka, þar sem aðeins fimm stig skilja á milli Chelsea í 5. sæti og Brighton í 14. sæti.

Leikir dagsins
17:30 Crystal Palace - Fulham
17:30 Liverpool - Leeds
20:00 Sunderland - Man City
20:00 Brentford - Tottenham