Heimir Guðjónsson
„Bara flottur leikur hjá okkur. Við vissum að þetta yrði þolinmæðisverk og að þeir myndu spila sterkan varnarleik og vera vel skipulagðir sem og þeir voru. Þeir fengu eitt færi eftir skyndisókn en svona þegar leið á fyrri hálfleik þá fórum við að finna betri opnanir og skoruðum gott mark. Svo í seinni hálfleik fylgdum við því eftir og spiluðum virkilega vel.“
Sagði Heimir Guðjónsson þjálfari Vals um leikinn eftir 4-0 sigur lærisveina hans á ÍA á Origovellinum nú fyrr í kvöld.
Sagði Heimir Guðjónsson þjálfari Vals um leikinn eftir 4-0 sigur lærisveina hans á ÍA á Origovellinum nú fyrr í kvöld.
Lestu um leikinn: Valur 4 - 0 ÍA
Eftir heldur bragðdaufan fyrri hálfleik settu Valsmenn allt á fullt í þeim seinni og keyrðu yfir gestina frá Akranesi. Besti sóknarleikur sem Valur hefur sýnt til þessa í sumar að mati fréttaritara.
„Mér fannst við skapa góða möguleika. Fórum í þessi svæði sem að við vildum fara í, það var gott flot á boltanum og það er lykilatriði þegar þú ert að spila á móti sterkum varnarleik að hafa gott flot á boltanum. En þetta var fínn leikur en þetta var bara einn leikur og við þurfum að koma okkur niður á jörðina á morgun og næst er bara erfiður leikur gegn Stjörnunni. “
Sigurður Egill Lárusson var í fyrsta skipti í sumar í leikmannahópi Vals og fékk þar að auki mínútur í kvöld. Um SIgurð sagði Heimir.
„Siggi er flottur leikmaður og hann er búinn að vera öflugur á æfingum upp á síðkastið og hefur stigið upp. Þess vegna vildum við gefa honum tækifæri í kvöld.“
Sagði Heimir en allt viðtalið má sjá hér að ofan.
