Njarðvík komst aftur á sigurbraut í dag þegar liðið mætti KF á Rafholtsvellinum en lokatölur urðu 2-1 Njarðvík í vil. Njarðvík hafði tapað síðustu tveimur leikjum sínum í deildinni og þurftu því nauðsynlega á stigunum að halda til þess að missa ekki toppliðin lengra frá sér í töflunni. Mikael Nikulásson svaraði spurningum fréttaritara að leik loknum.
Lestu um leikinn: Njarðvík 2 - 1 KF
„Við spiluðum miklu betur en í síðasta leik og mér fannst menn vera leggja sig fram.En við þurfum að læra að klára leikina og ganga frá þeim því að því þegar þeir skora þetta furðulega mark sem ég held að hafi verið sjálfsmark þá eigum við að vera komnir í fjögur fimm núll.“
Sagði Mikael um leik síns liðs í dag.
Sigurinn í dag var eins og áður sagði gríðarlega mikilvægur fyrir Njarðvík uppá framhaldið og að missa ekki toppliðin of langt frá sér.
„Ég er búinn að segja þetta í langan tíma. Það er hver einasti leikur í þessari deild erfiður, það er ekkert gefið. 80% af þessum leikjum eru fyrirfram 50/50 að mínu mati og öll liðin munu tapa fullt af stigum og eru byrjuð á því og það verður þannig út mótið.“
Sagði MIkael en allt viðtalið má sjá hér að ofan.
Athugasemdir