Peterson er fyrirlesari, fræðimaður og prófessor í klínískri sálfræði við háskólann í Toronto.

Bók hans, Tólf lífsreglur, sló í gegn þegar hún kom út árið 2018 og seldist í milljónum eintaka, en hann hefur einnig viðrað skoðanir sínar í hlaðvarpsþætti sínum og á Youtube.

Ýmsar kenningar sem hann er með þykja umdeildar og jafnvel skaðlegar fyrir samfélagið. Peterson var staddur á Íslandi fyrr í sumar þar sem hann hélt fyrirlestur en í gær birti Cristiano Ronaldo, leikmaður Manchester United og portúgalska landsliðsins, mynd af sér með Peterson.

„Gott að sjá þig vinur," skrifaði Ronaldo undir myndina, en það er spurning hvort Ronaldo hafi fengið einhver ráð frá kanadíska sálfræðingnum.

Myndin sem Ronaldo birti hefur vakið mikla athygli og jafnvel reiði frá stuðningsmönnum hans en hana má sjá hér fyrir neðan.