Ísland mætir Ungverjalandi í umspili um sæti á EM klukkan 19:45 annað kvöld. Búast má við að byrjunarlið Íslands verði mjög svipað og í sigrinum á Rúmenum í síðasta mánuði.
Arnór Ingvi Traustason er fjarri góðu gamni eftir að liðsfélagi hans hjá Malmö smitaðist af kórónuveirunni. Arnór Ingvi byrjaði á vinstri kantinum gegn Rúmeníu og ljóst er nýr leikmaður verður þar á morgun.
Fótbolti.net spáir því að Rúnar Már Sigurjónsson byrji á vinstri kantinum á morgun.
Annar möguleiki er að Birkir Már Sævarsson fari í stöðu hægri bakvarðar og Guðlaugur Victor Pálsson byrji á miðjunni. Birkir Bjarnason færist við það á vinstri kantinn en hann hefur oft spilað þá stöðu með landsliðinu.
Ari Freyr Skúlason, Arnór Sigurðsson, Albert Guðmundsson eða Jón Daði Böðvarsson gætu líka byrjað á vinstri kantinum ef að Erik Hamren vill ekki hreyfa mikið við liðinu.
Athugasemdir