„Það verður magnað andrúmsloft á Elland Road. Það er frábær staður til að spila á og við verðum að vera tilbúnir fyrir það sem mætir okkur þar. Fyrstu 15-20 mínúturnar verða mjög mikilvægar upp á framhaldið í leiknum."

Allardyce hefur unnið fleiri leiki gegn Newcastle en öðrum liðum á sínum ferli í úrvalsdeildinni, eða 13 talsins. Í átta síðustu störfum hefur hann unnið fyrsta heimaleikinn alls fimm sinnum.

„Við sáum nóg (í tapinu gegn Manchester City) til að segja að það sé það sem Sam mun gefa liðinu - skýr skipulagning, skýrt upplegg og augljós hugmyndafræði bæði með og án bolta. Þegar maður lítur til baka á þann leik þá sjást áhrifin sem hann hefur haft á skömmum tíma," sagði Howe.

Allardyce sjálfur sagði í gær á fréttamannafundi að hans lið mætti alls ekki tapa leiknum á morgun.

Leeds er í harðri fallbaráttu á meðan Newcastle getur farið langt með að tryggja sér Meistaradeildarsæti.