Thomas Frank, knattspyrnustjóri Brentford, ræddi um sóknarmanninn Ivan Toney sem hefur verið orðaður við ýmis stórlið í ensku úrvalsdeildinni að undanförnu.
Toney er algjör lykilmaður í liði Brentford og hafa stórlið enska boltans áhuga á honum þrátt fyrir að hann megi búast við löngu leikbanni vegna brots á veðmálareglum úrvalsdeildarinnar.
Toney, sem er 27 ára gamall, er kominn með 20 mörk í 33 leikjum á úrvalsdeildartímabilinu en hann lék í C-deildinni þar til fyrir tveimur árum. Brentford fékk sóknarmanninn frá Peterborough sumarið 2020 og hefur hann verið óstöðvandi síðan.
„Ég elska Ivan og mér finnst það sem hann hefur afrekað hjá félaginu vera algjörlega magnað. Ég er ótrúlega heppinn að hafa hann í leikmannahópinum," sagði Frank.
„Hann var frábær í C-deildinni og svo var hann stórkostlegur með okkur í Championship þegar við komumst upp um deild. Hann skoraði 12 mörk á sínu fyrsta úrvalsdeildartímabili og núna er hann kominn með 20. Hvenær hættir hann að bæta sig?
„Ég veit að hann er ekki 22 ára gamall en ef þú horfir á bestu sóknarmenn heims þá virðast þeir bara verða betri með aldrinum, eins og til dæmis Benzema og Lewandowski. Ivan Toney á bara eftir að verða betri og betri."
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 35 | 25 | 7 | 3 | 81 | 35 | +46 | 82 |
| 2 | Arsenal | 35 | 18 | 13 | 4 | 64 | 31 | +33 | 67 |
| 3 | Newcastle | 36 | 20 | 6 | 10 | 68 | 45 | +23 | 66 |
| 4 | Man City | 36 | 19 | 8 | 9 | 67 | 43 | +24 | 65 |
| 5 | Chelsea | 36 | 18 | 9 | 9 | 62 | 43 | +19 | 63 |
| 6 | Aston Villa | 36 | 18 | 9 | 9 | 56 | 49 | +7 | 63 |
| 7 | Nott. Forest | 36 | 18 | 8 | 10 | 56 | 44 | +12 | 62 |
| 8 | Brentford | 36 | 16 | 7 | 13 | 63 | 53 | +10 | 55 |
| 9 | Brighton | 36 | 14 | 13 | 9 | 59 | 56 | +3 | 55 |
| 10 | Bournemouth | 36 | 14 | 11 | 11 | 55 | 43 | +12 | 53 |
| 11 | Fulham | 36 | 14 | 9 | 13 | 51 | 50 | +1 | 51 |
| 12 | Crystal Palace | 36 | 12 | 13 | 11 | 46 | 48 | -2 | 49 |
| 13 | Everton | 36 | 9 | 15 | 12 | 39 | 44 | -5 | 42 |
| 14 | Wolves | 36 | 12 | 5 | 19 | 51 | 64 | -13 | 41 |
| 15 | West Ham | 36 | 10 | 10 | 16 | 42 | 59 | -17 | 40 |
| 16 | Man Utd | 36 | 10 | 9 | 17 | 42 | 53 | -11 | 39 |
| 17 | Tottenham | 36 | 11 | 5 | 20 | 63 | 59 | +4 | 38 |
| 18 | Ipswich Town | 36 | 4 | 10 | 22 | 35 | 77 | -42 | 22 |
| 19 | Leicester | 36 | 5 | 7 | 24 | 31 | 78 | -47 | 22 |
| 20 | Southampton | 36 | 2 | 6 | 28 | 25 | 82 | -57 | 12 |
