„Bróðir minn á afmæli í dag og ég tímdi ekki að gefa honum afmælisgjöf þannig að það er best að gera þetta bara svona.“ Sagði Jóhann Helgi Hannesson léttur í bragði eftir að hafa skorað sigurmark Þórsara gegn Huginn á 93.mínútu leiksins.
Lestu um leikinn: Þór 2 - 1 Huginn
„Við gerðum það sem við ætluðum ekki að gera. Fengum á okkur mark þegar við vitum að þeir eru góðir í að halda boltanum. Við hefðum þurft að skora fyrsta markið til að vera með undirtökin í leiknum.“
Jóhann sagði lið Hugins hafa spilað vel: „Huginn er með mjög gott lið og eru með betra lið en taflan segir. Þeir verjast vel og eru bara góðir í fótbolta þessir gæjar og þó að þeir hafi verið að koma upp er þetta lið sem má ekki vanmeta.“
Birkir Heimisson skoraði fyrsta mark Þórs beint úr aukaspyrnu. Aðspurður sagði Jóhann þetta: „Ágúst vinur hanns er búinn að vera skora hjá Blikum þannig að það var komin smá pressa á hann. Hann svaraði núna með flottara marki en Gústi þannig að boltinn er hjá Ágústi núna.“
Nánar er rætt við Jóhann í spilaranum fyrir ofan
Athugasemdir