Grótta náði að bæta tveimur efnilegum leikmönnum við hópinn hjá sér rétt fyrri gluggalok. Famundan er lokaspretturinn á tímabilinu.
Elmar Freyr Hauksson og Þórður Sveinn Einarsson eru komnir til félagsins en þeir eru báðir fæddir 2006 og koma úr röðum Vals. Elmar kemur alfarið og Þórður kemur á láni.
Elmar og Þórður búa ekki yfir mikilli reynslu með meistaraflokki en fá núna að spreyta sig í 2. deildinni í fyrsta sinn á ferlinum.
Þórður Sveinn hefur nú þegar tekið þátt í tveimur leikjum með Gróttu í sumar, tapleik í deildinni og sigri í Fótbolta.net bikarnum.
Grótta er komin í undanúrslit Fótbolta.net bikarsins auk þess að vera í toppbaráttu í gríðarlega jafnri 2. deild.
„Grótta býður þá Elmar og Þórð hjartanlega velkomna á Nesið og þakkar Val fyrir góð og fagmannleg samskipti í tengslum við félagaskiptin," segir meðal annars í tilkynningu frá Gróttu.
2. deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Ægir | 22 | 14 | 2 | 6 | 60 - 35 | +25 | 44 |
| 2. Grótta | 22 | 13 | 5 | 4 | 47 - 25 | +22 | 44 |
| 3. Þróttur V. | 22 | 13 | 3 | 6 | 32 - 24 | +8 | 42 |
| 4. Kormákur/Hvöt | 22 | 11 | 2 | 9 | 35 - 37 | -2 | 35 |
| 5. Dalvík/Reynir | 22 | 10 | 4 | 8 | 38 - 26 | +12 | 34 |
| 6. KFA | 22 | 9 | 5 | 8 | 53 - 45 | +8 | 32 |
| 7. Haukar | 22 | 9 | 4 | 9 | 36 - 40 | -4 | 31 |
| 8. Víkingur Ó. | 22 | 8 | 4 | 10 | 42 - 40 | +2 | 28 |
| 9. Kári | 22 | 8 | 0 | 14 | 32 - 55 | -23 | 24 |
| 10. KFG | 22 | 6 | 5 | 11 | 38 - 52 | -14 | 23 |
| 11. Víðir | 22 | 5 | 5 | 12 | 33 - 41 | -8 | 20 |
| 12. Höttur/Huginn | 22 | 4 | 5 | 13 | 27 - 53 | -26 | 17 |
Athugasemdir
