Fernandes í leik gegn Man City á síðustu leiktíð.
Southampton hefur hafnað 30 milljón punda tilboði frá West Ham í Mateus Fernandes. Frá þessu segir Sky Sports.
Fernandes er 21 árs gamall Portúgali sem er verulega eftirsóttur. Hann er samningsbundinn Southampton og var orðaður við Nottingham Forest í síðustu viku.
Fernandes er 21 árs gamall Portúgali sem er verulega eftirsóttur. Hann er samningsbundinn Southampton og var orðaður við Nottingham Forest í síðustu viku.
Fernandes þykir gríðarlega efnilegur og hefur verið mikilvægur hlekkur upp yngri landslið Portúgal. Hann er uppalinn hjá Sporting CP og var keyptur til Southampton í fyrrasumar fyrir um það bil 15 milljónir punda.
Graham Potter, þjálfari West Ham, telur það vera forgangsmál að fá nýjan miðjumann inn fyrir gluggalok og er Fernandes efstur á lista.
Þetta er ekki eina stóra tilboðið sem Southampton hafnar í sumar en félagið hafnaði um 45 milljón punda tilboði frá Everton í kantmanninn Tyler Dibling. Everton ákvað að ganga frá borðinu eftir það.
Southampton leikur í Championship-deildinni eftir fall úr ensku úrvalsdeildinni á síðasta tímabili.
Athugasemdir
