Sara tilkynnti það með færslu á samfélagsmiðlum að hún hefði tekið ákvörðun um að stíga til hliðar.

„Ég á nóg eftir, en mér finnst þetta rétti tímapunkturinn fyrir mig," sagði Sara í viðtali við Fótbolta.net sem hægt er að lesa með því að smella hérna.

Sara hefur fengið margar kveðjur eftir að hún sagði frá ákvörðun sinni, bæði frá liðsfélögum úr landsliðinu og úr þeim félagsliðum sem hún hefur spilað með.

Pernille Harder, ein besta fótboltakona í heimi, er á meðal þeirra sem sendir Söru kveðju. „Þú hefur gert ótrúlega hluti fyrir þjóð þína. Vertu stolt, vinkona mín," skrifar Harder sem leikur í dag með Chelsea á Englandi.

Glódís Perla Viggósdóttir, sem mun líklega taka við fyrirliðabandinu af Söru, skrifar: „Til hamingju með glæsilegan landsliðsferil elsku Sara. Heiður að hafa fengið að spilað með þér öll þessi ár - þú ert mögnuð."

Hér fyrir neðan má sjá brot af þeim kveðjum sem hún hefur fengið.