Edin Terzic, stjóri Borussia Dortmund, sagði frá því á fréttamannafundi í dag að Jadon Sancho yrði ekki leikfær fyrir leikinn gegn Manchester City annað kvöld.

City vann 2-1 sigur á heimavelli og liðin mætast í seinni viðureigninni í 8-liða úrslitum í Þýskalandi annað kvöld.

Sancho hefur snúið aftur til æfinga en er ekki orðinn leikfær.

Norski sóknarmaðurinn Erling Haaland hefur ekki skorað í síðustu þremur leikjum.

„Erling kemur með gríðarlega mikilvæga eiginleika fyrir okkur, jafnvel þó hann hafi ekki skorað í síðustu leikjum. Hann bindur saman sóknarleikinn. Auðvitað vonumst við eftir því að hann bindi á sig markaskóna sem fyrst," segir Terzic.

Hinn ungi Jude Bellingham hefur fengið mikið lof. Þessi 17 ára enski miðjumaður hefur sýnt afskaplega þroskaða frammistöðu með Dortmund.

„Þróun hans kemur engum á óvart hjá Dortmund. Við höfum séð hvernig hann æfir og vinnur. Hann hefur gríðarlega mikla hæfileika og er stórkostlegur leikmaður. En hann er ungur og fær allan þann stuðning sem hægt er frá okkur og þróast vonandi á bestan mögulegan hátt."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit